სიახლეები

07
ოქტომბერი2022

მმართველი გუნდის მიერ შემუშავებული სასამართლო რეფორმის სტრატეგია და სამოქმედო გეგმა არ ეხმიანება მართლმსაჯულებაში არსებულ რეალურ პრობლემებს

კოალიცია დამოუკიდებელი და გამჭვირვალე მართლმსაჯულებისთვის ეხმიანება პარლამენტში მართლმსაჯულების რეფორმის სამუშაო ჯგუფის ფარგლებში გასული კვირის ბოლოს მომზადებულ სასამართლო რეფორმის სტრატეგიას და სამოქმედო გეგმას და აცხადებს, რომ შემოთავაზებული დოკუმენტი არ ასახავს მართლმსაჯულების სისტემაში არსებულ რეალურ გამოწვევებს. სამწუხაროდ, ის კიდევ ერთხელ ადასტურებს, რომ მმართველ პოლიტიკურ გუნდს არ აქვს სასამართლოს რეალური რეფორმის მზაობა და კვლავაც ფასადური ცვლილებების გატარებას ისახავს მიზნად.

05
ოქტომბერი2022

GDI-მ პარლამენტს „მაუწყებლობის შესახებ“კანონპროექტზე შენიშვნებითა და რეკომენდაციებით მიმართა

GDI-მ საქართველოს პარლამენტს "ქართული ოცნების" წევრების მიერ 2022 წლის 7 სექტემბერს "მაუწყებლობის შესახებ" საქართველოს კანონში რეგისტრირებულ საკანონმდებლო ცვლილებების პროექტთან დაკავშირებით შენიშვნებითა და რეკომენდაციებით მიმართა.

03
ოქტომბერი2022

ქართული ოცნება პუტინის რუსეთის მსგავსად ცდილობს არ დატოვოს სივრცე საქართველოში სამოქალაქო ორგანიზაციების არსებობისთვის

GDI ეხმაურება მიმდინარე წლის 2 ოქტომბერს ტელეკომპანია “იმედის” ეთერში,  გადაცემა “იმედის კვირაში” გასულ სიუჟეტს სადაც საუბარია ჩვენი და სხვა არასამთავრობო ორგანიზაციების დაფინანსების საკითხებზე. მიგვაჩნია, რომ ტელეკომპანია “იმედი” და სხვა რამდენიმე ტელევიზია, აგრძელებენ რა მმართველი პარტიის კამპანიას, მიზნად ისახავენ დემოკრატიული ფასეულობებისა და ქვეყნის ევრო-ატლანტიკური ინტეგრაციისთვის მებრძოლი არასამთავრობო ორგანიზაციების დისკრედიტაციას. მათი ქმედებები სამართლიანად გვახსენებს იმ გზას, რომელსაც რუსეთის ფედერაცია პუტინის მმართველობის ადრეულ წლებში გადიოდა და რომელიც დემოკრატიისა და თავისუფლებისთვის მებრძოლი ორგანიზაციების ჯერ რეგულირებით, ხოლო შემდეგ აკრძალვით დასრულდა. 

27
სექტემბერი2022

არასამთავრობო ორგანიზაციებმა შეარჩიეს სახალხო დამცველობის კანდიდატები, რომლებსაც მხარს დაუჭერენ

საერთაშორისო სტანდარტების, მათ შორის, გაეროს პარიზის პრინციპების, ვენეციის პრინციპებისა და ევროსაბჭოს მინისტრთა კომიტეტის რეკომენდაციის (CM/Rec(2021)1) მოთხოვნების შესაბამისად, მნიშვნელოვანია, ომბუდსმენობის კანდიდატის შერჩევა მოხდეს ინკლუზიური და გამჭვირვალე პროცესის საფუძველზე და მასში აქტიურად მონაწილეობდნენ სამოქალაქო საზოგადოების წევრები.

16
სექტემბერი2022

განცხადება ,,მაუწყებლობის შესახებ” საქართველოს კანონში შესატანი ცვლილებების შესახებ

მედიის ადვოკატირების კოალიცია მიიჩნევს, რომ ,,მაუწყებლობის შესახებ” საქართველოს კანონში შესატანი ცვლილებების ნაწილი შეიცავს გამოხატვის თავისუფლების შეზღუდვის რისკებს და გააუარესებს მედიაგარემოს საქართველოში. 

09
სექტემბერი2022

GDI-ის მორიგი საჩივარი სტრასბურგის სასამართლოში

2022 წლის 08 სექტემბერს საქართველოს დემოკრატიულმა ინიციატივამ (GDI) საქართველოს პარლამენტის წევრ თინათინ ბოკუჩავას უკანონო ფარულ მოსმენა-მიყურადებასთან დაკავშირებით ადამიანის უფლებათა ევროპულ სასამართლოს საჩივრით მიმართა.

25
აგვისტო2022

“ქართული ოცნება” ხელისუფლების საქმიანობაზე საზოგადოებრივი კონტროლის მოშლას ცდილობს

„ქართული ოცნების“ მხრიდან ადგილობრივი არასამთავრობო ორგანიზაციების მიმართ წარმოებული აგრესიული კამპანია საგანგაშო ნიშნულს მიუახლოვდა. სამოქალაქო ორგანიზაციებზე თავდასხმა ქართული ოცნების მხრიდან ხელისუფლების საქმიანობაზე საზოგადოებრივი კონტროლის გათიშვის მიზანს ატარებს, რაც ავტორიტარიზმის კიდევ ერთი მკაფიო გამოვლინებაა და მისი ფორმირების შეუქცევად დინებაზე მიანიშნებს.

23
აგვისტო2022

კომუნიკაციების კომისია აგრძელებს მედიის თავისუფლების წინააღმდეგ ბრძოლას

2022 წლის 23 აგვისტოს საქართველოს კომუნიკაციების ეროვნულმა კომისიამ  დააკმაყოფილა მმართველი პარტიის, “ქართული ოცნების” მოთხოვნა კამპანია “შინ ევროპისკენ” კლიპის ეთერში განთავსების გამო სამართალდამრღვევად  გამოცხადებულიყო  სამი კრიტიკული მაუწყებელი- “ფორმულა”, “მთავარი არხი” და “ტელეკომპანია პირველი. კომისიამ ტელეკომპანია პირველისა და "ფორმულას" წინააღმდეგ სანქციის სახით "გაფრთხილება" გამოიყენა, ხოლო "მთავარი არხი" 118 700 ლარით დააჯარიმა.