სიახლეები

15
სექტემბერი2021

GDI პირებს, ვინც სუს-ის უკანონო ჩანაწერებში ფიგურირებს, იურიდიულ დახმარებას სთავაზობს

როგორც ცნობილი გახდა, სახელმწიფო უსაფრთხოების სამსახურიდან გამოჟონილ ათასობით ფაილში ფიგურირებს არაერთი ჟურნალისტი, სამოქალაქო აქტივისტი და სხვა პირი, რომელთა მიმართაც მიმდინარეობდა ფარული მიყურადება და მოსმენა.

საქართველოს სისხლის სამართლის კოდექსის 157-ე მუხლის თანახმად დასჯადია  პირადი ცხოვრების ამსახველი ინფორმაციის ან პერსონალური მონაცემების უკანონოდ მოპოვება, შენახვა, გამოყენება, გავრცელება ან ხელმისაწვდომობის სხვაგვარი უზრუნველყოფა.  ამასთან 158-ე მუხლის თანახმად პასუხისმგებლობის საფუძველია კერძო კომუნიკაციის საიდუმლოების დარღვევაც. შესაბამისად, გავრცელებული მასალა, რომლის მოპოვებაც დიდი ალბათობით სწორედ უკანონოდ მოხდა, გამოძიების დაწყების საფუძველია.

GDI მზადაა დაეხმაროს ნებისმიერ პირს ინდივიდუალური განცხადების მომზადებაში და გაუწიოს კონსულტაცია.

საკონტაქტო პირი: მარი კაპანაძე. ელ-ფოსტა mkapanadze@gdi.ge , მობილური: 598823201