პროექტის მიზანია ხელი შეუწყოს ადამიანის უფლებათა დაცვის სტანდარტების ამაღლებას ქვეყანაში ადვოკატების მიერ საკონსტიტუციო სასამართლოს, როგორც ადამიანის უფლებათა დაცვის (ეფექტური) ეროვნული მექანიზმის აქტიური გამოყენებით.

პროექტი მიზნად ისახავს საერთო სასამართლოებში ელექტრონული სისტემით საქმეთა განაწილების სამართლებრივ ანალიზსა და მისი ფუნქციონირების მონიტორინგს. 

პროექტი მიზნად ისახავს საქართველოს ადამიანის უფლებების დაცვის სამთავრობო სამოქმედო გეგმის (2016-2017 წლებისთვის) პირველი ხუთი თავის - სისხლის სამართლის მართლმსაჯულება, სამართლიანი სასამართლოს უფლება, პროკურატურა, ადამიანის უფლებების დაცვა სასჯელაღსრულების სისტემაში, წამებასა და არასათანადო მოპყრობასთან ბრძოლა - მონიტორინგს.

პროექტის მიზანს კვლევისა და სტრატეგიული სამართალწარმოების გზით პოლიციის მიერ წამების, არაადამიანური და ღირსების შემლახავი მოპყრობის ფაქტების პრევენცია და მსხვერპლთა უფლებრივი მდგომარეობის გაუმჯობესება წარმოადგენს.

პროექტი მიზნად ისახავს საქართველოში მცხოვრები რელიგიური და ეთნიკური უმცირესობების სამართლებრივი სტატუსის გაუმჯობესებას, კერძოდ, ამ თემებში შემავალი ქალებისა და გოგონებისთვის მართლმსაჯულებაზე ხელმისაწვდომობის გაზრდას

პროექტის მიზანს წარმოადგენს საქართველოში სამოქალაქო ცნობიერების ამაღლება ადამიანის უფლებებში, ტოლერანტობისა და თანასწორობის ხელშეწყობა და ლიბერალური დემოკრატიის განვითარება მოსწავლეთა შორის სამოქალაქო განათლების გაძლიერების გზით. 

პროექტის მიზანს წარმოადგენს: 1) "საქართველოს მთავრობის 2014- 2016 წლების ადამიანის უფლებათა დაცვის ეროვნული სამოქმედო გეგმის პირველი თავით (სისხლის სამართლის მართლმსაჯულება) გათვალისწინებული ღონისძიებების/საქმიანობების განხორციელების მონიტორინგი, რაც გულისხმობს აქტივობების გაზომვას რაოდენობრივი და ხარისხობრივი თვალსაზრისით  2)  სამოქმედო გეგმის შესრულების ხელშეწყობა, რაც გულისხმობს საქართველოს კანონმდებლობის საერთაშორისო სტანდარტებთან შესაბამისობის უზრუნველყოფისათვის სათანადო კონკრეტული რეკომენდაციების შემუშავებას, მათ განხილვას სპეციალურად შექმნილი სამუშაო ჯგუფების ფარგლებში და შემუშავებული რეკომენდაციების  შესაბამისი ორგანოებისათვის წარდგენა/შეთავაზებას.

პროექტის მიზანია ეთნიკური და რელიგიური უმცირესობებისთვის მართლმსაჯულებაზე წვდომის გაუმჯობესება სტრატეგიული სამართალწარმოების საშუალებით, როდესაც საკითხი ეხება სამართალდამცავი ორგანოების მხრიდან შესაძლო უფლებადარღვევებზე არასათანადო რეაგირებას.