სიახლეები

31
ივლისი2014

არასამთავრობო ორგანიზაციები საქართველოს ყოფილი პრეზიდენტის მიმართ მთავარი პროკურატურის მიერ ბრალის წაყენებას ეხმიანებიან

არასამთავრობო ორგანიზაციები საქართველოს ყოფილი პრეზიდენტის მიმართ მთავარი პროკურატურის მიერ ბრალის წაყენებას ეხმიანებიან. მიხეილ სააკაშვილის წინააღმდეგ სისხლისსამართლებრივი დევნის დაწყებამ როგორც ქვეყნის შიგნით, ისე საქართველოს საერთაშორისო პარტნიორებში გამოძიების პოლიტიკური მოტივაციისა და მიუკერძოებლობის  კუთხით არაერთი კითხვა გააჩინა. განცხადებები  გაავრცელეს ამერიკის შეერთებული შტატების სახელმწიფო დეპარტამენტმა და სენატორებმა, რომლებმაც შეშფოთება გამოთქვეს სავარაუდო პოლიტიკურ მოტივებთან დაკავშირებით.

22
ივლისი2014

არასამთავრობო ორგანიზაციების განცხადება სომხურ ეკლესიასთან მომხდარი ინციდენტის შესახებ

არასამთავრობო ორგანიზაციების ჯგუფი უკანასკნელი ორი დღის განმავლობაში სწავლობდა 2014წლის 19 ივლისს ქალაქ თბილისის “სურბ ეჩმიაძინის” ეკლესიასთან მომხდარ ინციდენტს. შესწვალის დროს ჯგუფმა გამოიკითხა დაზარალებული პირები და რამდენიმე თავდამსხმელი, ასევე შეაფასა ვიდეო მასალა, რომელიც კონფლიქტის ამსახველ ეპიზოდებს აღწერს. ინციდენტთან დაკავშირებული ფაქტობრივი გარემოებების პირველადი ანალიზის შედეგები აჩვენებს, რომ კონფლიქტის მიმდინარეობის დროს ჩანდა ეთნიკური სიძულვილის კონტექსტი, რაც ძირითადად ეთნიკური კუთვნილების გამო სიტყვიერ შეურაცხყოფაში გამოიხატებოდა, თუმცა, გამოვლენილი ძალადობის მიზეზებში ეთნიკური შუღლის ან მტრობის მოტივი არ დომინირებდა. ინციდენტის ამსახველი ვიდეო მასალა და მოწმეთა ახსნა-განმარტებები აჩვენებს, რომ კერძო ხასიათის დავა, რომელიც შემდგომში მასშტაბურ აგრესიაში გადაიზარდა უფრო მეტად ინციდენტში მონაწილე სომხური ეკლესიის ცალკეული წარმომადგენლებისკენ იყო მიმართული, ვიდრე ზოგადად ეკლესიის ან ეთნიკური ჯგუფის მიმართ. აღსანიშნავია, რომ თავდამსხმელთა შორის ასევე იყვნენ ეთნიკურად სომეხი წარმოშობის პირები.

18
ივლისი2014

ადამიანის უფლებათა საინფორმაციო ბიულეტენი, ივნისი 2014 წელი

საქართველოს დემოკრატიულმა ინიციატივამ გამოსცა ივნისის თვის ადამიანის უფლებათა საინფორმაციო ბიულეტენი, რომელშიც მიმოხილულია ადგილობრივი თვითმმართველობის არჩევნების პროცესი და საარჩევნო გარემო, გიგი უგულავას საქმის საინტერესო დეტალები, რეგიონულ მედიაზე ზეწოლის ფაქტი, „იმედის ფესტივალის“ ჩატარებასთან დაკავშირებული პრობლემები, ტელეკომპანია „ტაბულას“ ჟურნალისტის დაკავების ფაქტი, საკონსტიტუციო სასამართლოს მიერ მიღებული გადაწყვეტილებები და სხვა საკითხები, რომლებიც 2014 წლის ივნისის თვეში აქტუალური იყო ადამიანის უფლებათა კუთხით.

14
ივლისი2014

არასამთავრობო ორგანიზაციების ერთობლივი განცხადება ტელეკომპანია GDS-ის სექსისტურ სიუჟეტთან დაკავშირებით

გვინდა გამოვეხმაუროთ ტელეკომპანია GDS-ის ეთერით 9 ივლისს გასულ გადაცემა “ბინა 18″-ის ფრაგმენტს, რომელიც ქალის სხეულის დამამცირებელ ვიზუალიზაციას შეიცავდა. ვთვლით, რომ გადაცემის ეს მონაკვეთი ქალთა და მამაკაცთა როლის ღიად სექსისტურ ინტერპრეტაციას გვთავაზობს და საზოგადოებაში არსებული მანკიერი სტერეოტიპების კიდევ უფრო გაღრმავებას უწყობს ხელს, რაც სათანადო შეფასებას საჭიროებს.

08
ივლისი2014

საქართველოს დემოკრატიული ინიციატივის განცხადება გიგი უგულავას დაკავებასთან დაკავშირებით

საქართველოს დემოკრატიული ინიციატივა შეშფოთებას გამოხატავს ქ.თბილისის ყოფილი მერის და ოპოზიციური პარტიის საარჩევნო შტაბის უფროსის, გიგი უგულავას დაკავებასა და აღნიშნულის თანმდევ მოვლენებთან დაკავშირებით, რასაც განსაკუთრებულობას სძენს წინასაარჩევნო კონტექსტი და მოუწოდებს სამართალდამცავ ორგანოებს, იმოქმედონ კანონის უზენაესობის პრინციპის შესაბამისად, ეფექტურად და დროულად გამოიძიონ თითოეული უფლებადარღვევის ფაქტი.

30
ივნისი2014

საქართველოს დემოკრატიული ინიციატივის განცხადება სამი მოქალაქის დაკავების ფაქტზე

საქართველოს დემოკრატიული ინიციატივა ეხმაურება 2014 წლის 28 ივნისის ღამეს პოლიციის მიერ სამი მოქალაქის დაკავების ფაქტს. ტელეკომპანია “ტაბულას” მიერ მომზადებული სიუჟეტიდან და თვითმხილველთა განცხადებებიდან იკვეთება, რომ დაკავების მომენტში და დაკავების შემდეგ პოლიციის თანამშრომლებმა სავარაუდოდ გადაამეტეს საკუთარ უფლებამოსილებას და დაარღვიეს კანონი. გარდა ამისა, თვითმხილველთა განცხადებით, პოლიციელებმა ფიზიკური ძალადობა განახორციელეს დაკავებულებზე, რის შედეგადაც ერთ-ერთ დაკავებულს აღენიშნება დაზიანება სახის არეში.

06
ივნისი2014

არასამთავრობო ორგანიზაციების განცხადება „იმედის ფესტივალთან“ დაკავშირებით

განცხადებაზე ხელმომწერი ორგანიზაციები ვეხმიანებით “იმედის საერთაშორისო ფესტივალთან” დაკავშირებით განვითარებულ  მოვლენებს და მიგვაჩნია, რომ ფესტივალის გამართვისთვის ხელშეშლა ღონისძიების ორგანიზატორ რელიგიურ გაერთიანებებსა და ფესტივალის მონაწილეებს უზღუდავს რელიგიის თავისუფლებას და შეიცავს რელიგიური ნიშნით დისკრიმინაციის სავარაუდო ნიშნებს. 

04
ივნისი2014

მიმართვა გაერთიანებული ერების ორგანიზაციის წევრი სახელმწიფოების პერმანენტულ მისიებს გაეროში

ჩვენ, საქართველოს სამოქალაქო საზოგადოების წარმომადგენელ ორგანიზაცინებს, გვსურს, ამ მიმართვის წერილით გთხოვოთ, მხარი დაუჭიროთ გაეროს გენერალური ასამბლეის რეზოლუციის “აფხაზეთიდან, საქართველო და ცხინვალის რეგიონი/სამხრეთ ოსეთიდან, საქართველო იძულებით გადაადგილებულ პირთა და დევნილთა სტატუსის შესახებ” კენჭისყრას2014 წლის 5 ივნისს.1990-იანი წლების დასაწყისის და 2008 წლის კონფლიქტების შედეგად, თითქმის 500 ათასი იძულებით გადაადგილებული პირი და დევნილი ვეღარ უბრუნდება თავის მუდმივ საცხოვრებელ ადგილს. სამჯერადი ეთნიკური წმენდის და იძულებით გადაადგილების შემდეგ დროებით თავშესაფრებში შეფარებული იძულებით გადაადგილებული პირები არ კარგავენ თავიანთ სახლებში, უბნებში, ქალაქებსა და სოფლებში დაბრუნების იმედს.