სიახლეები

23
ოქტომბერი2014

განცხადება მოხეში მუსლიმთა უფლებების უხეში დარღვევის თაობაზე

არასამთავრობო ორგანიზაციები გამოვხატავთ შეშფოთებას, ბოლო პერიოდში, აჭარელ მუსლიმთა უფლებების უხეში დარღვევის ფაქტებისა და სახელმწიფოს არაეფექტური და რეპრესიული პოლიტიკის მიმართ და მოვუწოდებთ ხელისუფლებას, შეაჩეროს მუსლიმი თემის რელიგიური დევნა, რომელმაც უკვე სისტემური ხასიათი მიიღო.

22
ოქტომბერი2014

„საქართველოს დემოკრატიულმა ინიციატივამ“ სისხლის სამართლის კოდექსში განსახორციელებელ ცვლილებებთან დაკავშირებით იუსტიციის სამინისტროს შენიშვნები და რეკომენდაციები გაუგზავნა

2014 წლის 30 ივნისს საქართველოს საკანონმდებლო მაცნის ოფიციალურ ვებგვერდზე გამოქვეყნდა „საქართველოს სისხლის სამართლის კოდექსში ცვლილებებისა და დამატებების შეტანის შესახებ“ კანონის პროექტი. აღნიშნული დოკუმენტი ზოგადად მიმართულია სისხლის სამართლის პოლიტიკის ლიბერალიზაციისაკენ და ემსახურება საქართველოს მთავრობის 2014-2015 წლების ადამიანის უფლებათა დაცვის ეროვნული სამოქმედო გეგმით დასახული მიზნების მიღწევას.

21
ოქტომბერი2014

საქართველოს დემოკრატიული ინიციატივისა და მედიის განვითარების ფონდის ერთობლივი განცხადება

გვსურს, გამოვეხმაუროთ 2014 წლის 19 ოქტომბერს, საქართველოს პრემიერ-მინისტრის სახლთან გამართული მშვიდობიანი საპროტესტო აქციის მიმდინარეობისას განვითარებულ მოვლენებს, რა დროსაც დააკავეს აქციის 7 მონაწილე, მათ შორის, ჟურნალ „ტაბულას“ ფოტოკორესპოდენტი. 

20
ოქტომბერი2014

საქართველოს დემოკრატიული ინიციატივის და მედიის განვითარების ფონდის ერთობლივი განცხადება ტელეკომპანია რუსთავი 2-ის გენერალური დირექტორის ნიკა გვარამიას პირადი მიმოწერის ხელშეუხებლობის დარღვევაზე

გვსურს, გამოვეხმაუროთ, 2014 წლის 17 ოქტომბერს, ტელეკომპანია „რუსთავი 2-ის“ გენერალური დირექტორის, ნიკა გვარამიას მიერ საკუთარ Facebook გვერდზე გაკეთებულ განცხადებას, სადაც საუბარია მისი პირადი მიმოწერის ხელშეუხებლობის დარღვევაზე.

02
ოქტომბერი2014

საქართველოს დემოკრატიული ინიციატივის, მედიის განვითარების ფონდის და ტოლერანტობის და მრავალფეროვნების ინსტიტუტის ერთობლივი განცხადება

2014 წლის 30 სექტემბერს, არასამთავრობო ორგანიზაცია „თავისუფალი ზონის“ ოფისზე ახალგაზრდული გაერთიანება „თავისუფალი თაობის“ მხრიდან განხორციელდა ჯგუფური თავდასხმა, რის შედეგადაც ორგანიზაციის ცალკეულ წევრებს მიადგათ ფიზიკური დაზიანებები და დაზიანდა ოფისის ინფრასტრუქტურა.

24
სექტემბერი2014

ადამიანის უფლებათა საინფორმაციო ბიულეტენი, აგვისტო 2014 წელი

საქართველოს დემოკრატიულმა ინიციატივამ გამოსცა 2014 წლის აგვისტოს თვის საინფორმაციო ბიულეტენი, რომელიც შეეხება აღნიშნული პერიოდის მნიშვნელოვან მოვლენებს და საკითხებს ადამიანის უფლებათა დაცვის კუთხით.

24
სექტემბერი2014

არასამთავრობო ორგანიზაციების ერთობლივი განცხადება ქობულეთში მუსლიმი თემის უფლებების შეზღუდვის ფაქტებზე

ხელმომწერი ორგანიზაციები კიდევ ერთხელ გამოვხატავთ შეშფოთებას, ქობულეთში მუსლიმი მოსწავლეებისთვის პანსიონის გახსნასთან დაკავშირებით გამოვლენილი შეუწყნარებლობის ფაქტებზე. ამავდროულად, მოვუწოდებთ ხელისუფლებას, განახორციელოს დაუყოვნებელი და ეფექტური ღონისძიებები მუსლიმი თემის დარღვეული უფლებების, მათ შორის, რელიგიის თავისუფლებისა და განათლების უფლების აღსადგენად.

16
სექტემბერი2014

სამოქალაქო პლატფორმაში “არა ფობიას!” შემავალი არასამთავრობო ორგანიზაციების განცხადება რუსთავი 2-ის გადაცემა P.S.-ის სიუჟეტთან დაკავშირებით

გვინდა, გამოვეხმაუროთ 14 სექტემბერს ტელეკომპანია რუსთავი 2-ის გადაცემა P.S.-ში გასულ სიუჟეტს, რომელიც 10 სექტემბერს ქობულეთში მომხდარ ვანდალურ ფაქტს შეეხებოდა, როდესაც ადგილობრივი მოქალაქეების ერთმა ჯგუფმა მუსლიმთა სასულიერო სასწავლებელთან ღორი დაკლა და მისი თავი კარებზე მიამაგრა.